бомба тастау

(Бомбометание)

1) ұшу аппараты экипажының авиациялық бомбаларды нысанаға көздеу және тастау жөніндегі іс-әрекетінің кешені. Б.т. кезіндегі ұшақтың жағдайына қарай: көлденең ұшудан бомба тастау, шүйіле ұшудан және тік шаншыла бомба тастау болып сараланады.

Б.т. жекелей, топтамалық, дүркіндік немесе топтамалы дүркіндік болуы мүмкін. Қатыстырылған күштердің санына қарай жеке (бір ұшу аппаратымен орындалады) немесе топтық (ұшу аппараты тобымен жүзеге асырылады) болады. Б.т. жою объектісінің сипатына қарай көлемді, я болмаса нүктелі нысаналар бойынша жүзеге асырылады. Б.т. шалғай биіктіктен (4000 м және одан да астам), орташа (1000 – 4000 м дейін), аласа (1000 м дейін) және тым аласа (200 м. дейін) биіктіктен орындалады. Қазіргі көздеу-навигациялық жүйелер жер үсті (теңіз) нысаналарын кез келген метеорологиялық жағдайда күндіз де, түнде де көздеп бомба тастауды жүзеге асыруға жағдай жасайды. 2) ұшу аппаратынан Б.т-ды қолдану әдістерін, техникалық құралдарын, теориясы мен әдістемесін оқытып-үйрететін қолданбалы ғылыми пән. Негізгі бөлімдері: А.б. баллистикасы, көздеу теориясы, бомбалап жою құралдары, бомбалау қару-жарағы, бомбалау көздеуіштері мен жүйелері, Б.т-ды орындау, бомбалау дайындығының әдістемесі, Б.т. теориясының тиімділігі. Көлденең ұшудан Б.т. кез келген биіктікте жүргізіледі (шектеулі аз биіктіктен іс жүзіндегі шарықтау шегіндегі биіктікке дейін). Тік шаншыла көтеріліп Б.т. — ұшу аппаратының шаншыла көтерілген траекториясында бомба тастау әдісі. Ұшу аппаратының шүйілу траекториясында Б.т. көздеу мен тастау жүргізілетін әдіс, мұнда тастаудың дәлдігі қамтамасыз етіледі.